Os tres amigos


Pedro, Manolo e David eran moi amigos, os tres iban ó mesmo colexio e os domingos pola mañá xuntábanse para dar unha volta en bicicleta. Ese domingo quedaron en ir ata a praia, que estaba a uns dez quilómetros da cidade onde vivían.
O ceo estaba moi oscuro e tiña trazas de chover pero os tres sairon decididos da cidade cara á praia. De repente envolveunos unha oscura néboa, casi non se podían ver entre eles. Andiveron así un bo rato ata que de repente a néboa desapareceu, o ceo despexouse e o sol brillaba moi forte. Os tres quedaron sorprendidos, non coñecían nin a estrada nin a paisaxe. Estaban perdidos.
Ó lonxe viron un home plantando arroz e foron cara el. Quedaron máis sorprendidos. Era chinés e non lle entendían nada do que dicía, viron un cartel e tamén estaba en chinés. Non entendían o que pasaba.
Chamaron polo móvil ás súas casas ¡ E tamén falaban chinés ¡
Os tres case estaban a punto de chorar e de repente volveunos a envolver a néboa, non vían nada, andaban e chocaban entre eles e de golpe a néboa volveu desaparecer. Non o podían crer, estaban xusto diante da praia.
Colleron as bicis e voltaron para a casa, non falaron nada entre eles en todo o camiño e cando se despediron na cidade prometéronse non contalo a ninguén.





Javier Lamas Vergara